Kisa v’alé la-ba dann La Frans pou mèt anlèr sak nana dann la platform l’alians ? Pou èt in bon l’avoka z’intéré La Rénion ? Zot i koné, platform-la, nana an parmi bann politik sak i kroi pou vréman, nana sak i fé sanblan kroir : bann zéléktèr va fé lo triaz !

Kisa v’alé la-ba, bann moun lé kont lo tram-trin, lo plan pou lotonomi dann lénèji, sak i vé pa donn travay lo plis ki pé demoun La Rénion, bann gran shantié : sa i fo bordé ! I fo bann vré partizan la platform i sava la-ba dann Lasanblé nasional.

I fo bien sir, sak la koz prinsipalman avèk bann kandida zéléksion prézidansièl, sirtou avèk lo nouvo prézidan i sava la-ba. Bann mové lang i pë bat a kontrésans, i shanjar pa lopinion bann rénioné. Zot lopinion, nou tard arpa savoir kosa zot I anpans.

Bann rénioné nora poin difikilté pou oir kisa an parmi lo bann kandida, nana lo souf épi léspri l’alians. Sa mèm i fo pou nou !

Justin