Kan solèy i avèg in moun, moun-la i pé touzour fèrm lo zié, mé la pa sa va anpèsh solèy briyé. Pou zot kont, bann dirizan sosialis la fédérasion La Rénion lé tèlman aveglé, zot i voi la réalité rotravèr zot zié fèrmé.
Rotromandi, rotravèr zot sèl anbision pèrsonèl.
Dapré Vergoz-Fruteau, par ékzanp, "Lalians i ékzist pa !"...
Moin la déza antandi bokou la kouyonis, mé la lé for. Parske i fodra zot i èsplik sa tousa lo 135.726 moune la vote pou Lalians dèrnié zélèksion. A mon lavi, solèy Lalians la byin poik azot !
Lo pli dramatik sék d’in koté zot i di Lalians i ékzist pa, é do lot, zot i dénons’ lo soidizan lézémoni Lalians. Zot la trayi bann sosialis antiyé é la zot lé an kolèr parske Lalians i fé in list.
Lézémoni zot la di ? ! ! !

Justin