Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami sépa si zot i koné bandèz : sa sé in spèss baké an tol i sèrv pou fé la toilète dodan. Défoi téi apèl ali baké sansa lav-la pars dann tan Dr Raymond Vergès, in sakré bon doktèr, lété diréktèr la santé li téi konsèye demoune fé zot toilète intime é sa dann lo famé bandèz.

Mé noute kozman i di pa sa. Li vé anparl in garson i tonb amouré fou pou in fiy é son famiye, pa dakor, téi di sa. Romark mwin la antande parl in sorsyé téi téi konsèye bande fam amourèz pou fé boir la shoz lo moune émé... Alor la famiye téi di zot garson lé aranzé. Ankor in fasson éskiv la réalité.

Mi koné pa lo l’éfé. Mi koné pa si la fé vréman mé pou lo ka réfléshi kant mèm in pé é ni rotrouv pli d’van. Sipétadyé.