Mézami, mi koné pa si dann landroi zot i lé, ossinonssa zot lété dann tan, zot la antann in kozman konmsa. Mwin, pèrsonèlman mwin la pa antann sa in bonpé foi mé kant mèm kékfoi.

An partikilyé, mwin lété dann lékol primèr é dann tan-la téi ariv amwin fé mon tète koshon, fé oir mwin lété pa bone imèr. Si tèlman la métrèss téi i di avèk mwin dann gran kontantman bann marmaye : « Si ou lé an kolèr kol an l’èr, kan la plui va tonbé wa dékolé ! »

Si tèlman sa téi arète in pé mon movèz imèr é mwin téi ropran konmsi arien n’été, lo fil mon vi d’marmaye. Sa téi anpèsh pa la métrèss larg amwin lo foutan lé marké an-o la. Mwin té pa kontan, mé mwin téi fé avèk.

Alé ! Mi kite azot avèk sa é ni rotrouv pli d’van, sipétadyé.

Justin