Oté

« Li la gonf konm in bouftang »

In kozman pou la rout

Justin / 27 novanm 2019

JPEG - 43.6 ko

Mésyé, Médam, La Sosyété, koz èk moin sé koz èk in kouyon-sé o pyé d’lo mir k’i oi lo mason. Bouftang ? Mi pans zot i koné kosa k’i lé ? Pou sak néna in trou d’mémoir, mi rapèl azot sa sé t’in poisson sa. I pé apèl ali ankor gouf, sansa diodon, sansa ankor poisson-glob : néna dann résif épi néna galman dann kré, déyèr brizan. Si ou i pik ali avèk in fouine sansa in fizy soumarine li gonf d’in kou, son bann zépine i drèss. Astèr si in moun i mète a gonflé par la raz sansa par la kolèr i di li gonf konm in bouftang sansa konm in mal-dinde. Sé dir si lo ka i komans ète kritik kisoi pou lo gonflèr, kisoi pou lo provokatèr-mi sava pa dir gonflèr épi gonflé pars inn ko nm l’ot, sanm pou moin i vé dir lo mèm zafèr dann in ka kon msa. Astèr sé azot pou rofléshi : gonflé ziskatan k‘ i éklat, sansa apèz l’afèr pou dégonflé pti lanp-pti lanp. Shakinn son shoi é ni artrouv pli d’van. Sipétadyé !