Mézami, néna dé foi, lo kèr i sède, mèm lo kèr i sègn par rapor kékshoz lé dir pou siporté konm la guèr, la mizèr, la maladi, la solitide. Mi panss bien la pa mwin toussèl lé konmsa é sa i ariv bann moune lé frazil, dizon na poin in larmir k’i protèz azot.

Biensir mi vé pa anparl bann vré maladi d’kèr-so kalité d’maladi fé pass toulézour demoune par l’ote koté. Mi vé solman anparl sak lé frazil lo kèr pa par maladi mé par karaktèr — karaktèr fèb mi anshèv dir.

Alé ! Mi kite azot rofléshir la dsi é ni rotrouv pli dvan sipétadyé é sirtou lèss pa kozman-la tonbé.

Justin