Médam, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami dann la fraz an-o la néna o moinss dë mo i pé intérèss anou : néna lo mo « trin » épi lo mo « kite ». Lo trin sé in nom, kité (kite) sé lo vèrb partissip passé.

Lo trin la pa sak i fé tioutt-tioutt dsu la voi, mé sa i vé dir son lékipaz, toute sak li l’avé avèk li an arivan konm bagaz si zot i vé. Li la kite son trin : li la lèss son bagaz la mèm.

Si zot i rogarde bien lo vèrb « kite » sansa « kité », li néna dë form kan i ansèrv de li la form partissip passé : in form long avèk in form kourte. Si na poin konpléman m’a dir « kité », form long-lé dé té ansanb apré zot la kité. Si néna in konpléman m’a di kite-form kourte pars le « e » i prononss pa, li lé mué « parl pa « si zot i vé » : « li la kite la kaz »

Alé ! mi kite azot rofléshi la dsi é ni rotrouv pli d’van. Sipétadyé.