Mézami souvan dé foi kan wi angaj in konvèrssassion avèk demoune, soi wi déboush dsi in éshanj soi i déboush pa dsi arien. La plipar d’tan san fé ékspré wi rante dan la vi d’moune é demoune i yèm pa kan wi rante dann zot intimité konm i di. Mèm si ou lé famiye avèk la pèrssone…

Poitan i di bien rante zami sansa rante famiye la boush na pwin sélé é sa i vé dir na pwinn sokré rante zami osinonsa dann famiye, mé i fo kroir néna dé foi néna vréman in sokré. Kan la pèrssone i panss wi okipe de shoz i rogarde pa ou.

I ariv ossi ké wi rogrète parfoi kan ou la tro kozé, kan ou la di dé shoz k’i falé pa é wi jur la proshène foi wa konète fèrm oute boush. I pé di inn pèrsone la pa di ni pain ni makatia kan èl la fèrm son boush é èl la pa vouli alé pli loin.

Alé ! Mi kite azot rofléshir la dsi é ni rotrpouv pli dvan, sipétadyé.

Justin