A ! biensir mwin lé konm toumlmoune mi apréssyé pa bann zirman, mé kan lo spéktatèr i apèl l’imour o sokour pou ankouraz zot lékip osinonsa pou atak lo moral ladvèrsèr, akoz pa dir mwin ossi mi yèm sa ? akoz pa dir mwin lé pou inn mwin lé pa pou l’ote, lé pa onté d’shoizir son kan.

Mi rapèl bann kozman dann tan téi shante an kèr konm « la p’assé, mète ankor ! » sansa « balon la roulé, balon la roulé, la tonm dann filé », « sote koman ti vé koko, toué lé pri dann la min korbo ! » é afèr kashé sa sé in n’afèr mwin la bien apréssyé.mèm zordi sa ia ral amwin ankor.

Alé ! Mi kite azot rofléshir la dsi é ni retrouv pli dvan, sipétadyé.

Justin