Mézami dann in famiye, pa touzour mé dé foi, néna in pé i koné pa la rokonéssanss — mèm néna in pé i trayi zot famiye. Sak la fé sa, gramoune i di : « li la shyé dann marmite son famiye ! » é lé pa possib trouv in in léskiz pou li.

Alor mézami i fo fé atanssion sak wi fé. Dann la kanpagn tazantan néna inn-dé malfézan i manz manzé demoune la fine fé kui, épi i kapote marmite. Mèm parfoi zot i fé zot bézoin dann marmite. Mé sak zot la fé va suiv azot partou é talèr mèm i paré in pé i pé z’ète modi — sa i di pars mwin la pa vi.

N’anpèsh i fo méfyé sak wi fé sirtou kan ou la fine gingn laz rézon. Wi ri in zour, wi plèr mil zour. Alé ! Mi kite azot rofléshi la dsi é ni artrouv pli d’van, sipétadyé.

Justin