Kabri nana la répitasyon pou bouz in bon pé : sa i sote par isi, sa i arsote par la-ba, sa lé nèrvé vèy pa koman. I mont dsi galé, i kalbite dann ranpar. Kabri, sa lé danjéré ! Alor kan in marmay lé nèrvé, i fé bonpé dézord, lé azité konm sé pa koué, demoun i di : « sa la tète do-lé kabri ». I pé dir osi lo moun la manz la vyannn kabri maron - dann séga morisien i anparl kabri Rodrig : « Konm dir kabri Rodrig apé la gèr ! » - dann in médlé Serge Lebrasse i di « kabri sovaz » [1].

Kosa zot i anpans ? arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant, ni pé z’ète, tazantan, dakor rantre nou.