Mézami dan la vi lé konmsa : wi pèrde favèr, wi ropran favèr, wi tonb an défavèr. Favèr sé la form. Défavèr sé lo kontrèr. Souvan dé foi wi pass d’inn a l’ote épi vèrssi-verssa. Mé kan ou lé an défavèr fé atanssiyon, pars i pé arivé ké wi dsande, wi dsanse, wi ariv o fon.

Astèr pou romonte la pante mon dyé ségnèr, lé pa fassil.

Wi pé rante an défavèr dann travaye, pou la santé, pou larzan é ropran favèr pou la mèm shoz dann sanss kontrèr. In pé i di : la vi, néna dé-o, é néna dé-ba. Domaz défoi lo o i monte pa tro o, é lo ba i déssande bien ba.

Alé ! Mi kite azot rofléshi la dsu é ni artrouv pli d’van. Sipétadyé.

Justin