Médam, zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami souvan défoi bande paran, sirtou bande jenn paran, lé bien annuiyé kan zot i sèye fé manz zot zanfan é ké li manz pa ; li bèk-bèk, mé manzé non pars li lé délika dsi lo manzé. Na poin gran-shoz i plé lo zanfan. Li yèmré manzé sinploman pou kontante son momon mé arien a fèr, li gingn pa.

Astèr i pé ossi an avoir in zanimo délika dsi manzé é anpliss li koz pa, li di pa arien, sof ké li manz pa. Li lé pa sansib out flatri, out karèss, li kontante ali fé konprande aou, i fo pa konte dsi li pou manzé zordi. Si wi vé énèrv aou, lo zanimo lé pa la avèk.

Astèr mi kite azot rofléshi la dsi-dsi sak i fo fé dann in ka konmsa- é mi kite azot rofléshi la dsi é a domin, sipétadyé.