Mézami mi panss zot i koné bèk-roz sansa pétète zot i koné pa pars zoizo-la lé plizanpli rar. Mé li lé zoli toulbon avèk konm i di son pti bèk roz épi son plimaz gri. I apèl ali « astrild ondulé » é paravan marmaye téi poz la kol pou trape ali épi pou mète ali dann kaz. Néna bèl az é botan ké mwin la pankor vi in bèk-roz dann in kaj.

Antoukéla sak lé sir sé ké li lé myé dsi in flèr kane ké dann in kaj, mé domaz ké néna pi bonpé zoizo konmsa mèm an libèrté. Mé kan i di sa la pa in zoizo k’i koz mé d’moune é kan zot i di sa, sé pars zot i san azot bien mèm.

Alé ! Mi kite azot majine azot konm bèk-roz dsi flèr kane épizapré pou ète alèz-blèz. A pli d’van, sipétadyé.

Justin