Si mwin lé pa tro for dsi lalkol dizon sé inn kalité k’mwin néna. Si mwin lé pa tro for dsi manzé sa i vé dir mwin lé pa gourmand. Si mwin lé pa tro for dsi lo zé la pa ladan mi sava dépanss mon larzan… Mé atansion si mwin lé pa tyro for dsi in paké d’zafèr, sa i vé pa dir kékpar mwin na pwin in viss pou tarode mon pèrsonalité é souvan défoi sa lé bien kashyété.

Epi néna dir épi néna fèr : wi pé dir kékshoz pou fé valoir aou mé d’in n’ot koté fèr otroman é sa lé touzour konmsa dan la vi konm an parmi la sossyété. An sossyété konm i di souvan lo dyab i kashyète son ké.

Alé ! mi kite azot rofléshir la dsu é ni retrouv pli dvan, sipétadyé.

Justin