Oté

« Li manz avèk lo lou, é li plèr avèk gardien mouton »

In kozman pou la rout

Justin / 23 zanvié 2021

JPEG - 43.6 ko

Médam, zé Méssyé, la sosyété koz èk mwin sé koz èk in kouyon mé sé o pyé d’lo mir k’i oi lo masson. Dann péi demoun la in vant kozman-la néna lo lou épi néna mouton. Tazantan in bann lou i atak bann mouton konm issi néna désèrtin shien larg i atak kabri, sansa kok dann poulayé. ébin figir azot sa i rapèl amwin bann propriyétèr lé shien largué kan li la fine fé son forfé li rant dan la kour son mètr. Lo mètr i koné li sort fé déga mé li di pa arienmé kan lo voizin i mamontr dann télé son zanimo massakré, li di : « Sa lé bien rogrétan dé shoz konmsa ! ». kossa wi vé ? li yèm son zanimo é pé sfèr li panss son voizin i yèm pa la syène. Alé ! mi kite azot rofléshi la dsi ni artrouv pli d’van. Sipétadyé.