Mézami, mi panss, pou sak lé in pé anssien parmi nou, nou la fine antann kozman-la. Mèm défoi nou la antann : « Laz pou manz mayi an grin. » Mé kossa sak téi di sa téi vé dir égzaktoman ? Mwin pèrsonèl, mi panss sa sé konm pou dir la pèrsone la fine fé son kroissans é mèm in pé pliss mé san dir égzaktoman lé shoz.

Demoune dann tan té in pé rézèrvé... Mé néna pli sinp : kan i di in zanfan la fine larg bibron pou manz gro mayi, l’èr-la sa i vé dir la pi in bébé si sé konmsa, lontan, té pi laz pou fé in gaté avèk son papa… Mé o fon mi domann amwin si sa lé vré.

Toute laz lé bon pou fé in gaté avèk son papa. Antouléka sé sak mi panss é mi invite azot pou rofléshi la dsi é ni artrouv pli d’van, sipétadyé.

Justin