Oté

« Li néna la montr, mé li na poin lo tan »

In kozman pou la rout

Justin / 5 mé 2018

JPEG - 43.6 ko

Kan ou I koz avèk in moun é li l’apré rogard son montr, pli souvan k’tazantan, fé l’ékonomi out saliv. Sak ou l’apré di i ansèrv pa arien. Out kozman i tonm dann z’orèye in sour é malélvé an plis ké sa. Tout fason li va dékonsantr aou é out dosyé sar mal défandi. Romète l’afèr pou talèr, sansa pou domin pars out vizavi la désid li la poin lo tan pou ékout aou : son l’éspri la fine fèrmé, son port la fine také. Romark la pa bézoin la montr pou fé sa : souvan dé foi kan ou i rogard dë pèrsone dann shomin, ou i pé romark lo dogré l’atansyon l’inn avèk sète l’ot la pa parèye ditou é inn l’apré pèrd son tan. Alé ! Mi kite azot rofléshi la dsi éni artrouv pli d’van. Sipétadyé !