Mézami kan wi sava la mèr lé pa touzour ké wi fé in pèsh mirakilèz. I ariv la sézon lé pa bon, poisson la pa fain, la mèr lé fine in pé vidé, si tèlman lo pèshèr i trape pa gran-shoz.

Dann dé ka konmsa ; i di kozman mwin la marke an-o la. Pou dir la pa trape arien… Mi panss galman i pé dir sa kan in moune i lanss ali dann in lopérassion inpossib, mal préparé, pèrdi d’avans é l’éshèk lé o boute lo parkour.

Zot i koné sa i ariv pli souvan ké ni kroi é si wi baz la dsi pou gingn oute soso, lé bien possib oute bouzaron i fé arienk dézord pars lo van la pran la plass manzé.

Alé ! Ni artouv pli dvan ; sipétadyé.

Justin