Oté

Li sava pa dir amoin « Sak lé aou lé t’amoin, é sak lé t’amoin lé pa t’aou »

In kozman pou la rout

Justin / 24 désanm 2018

JPEG - 43.6 ko

Mi pans zot tout i koné bien lo kozman i di konmsa : « sak lé amoin lé amoin, é sak lé aou lé aou. ». Biensir lé dé la pa parèye ditou é si lo dézyèm lé dann léspri l’égalité lo promyé i anvoye prinsip-la dingé. Si lo dézyèm kozman néna kék shoz dodan i bote anou, lo promyé néna in n’afèr i bote pa nou ditou. I pé dir osi, é sé in baz lo maryaz an kominoté : sak lé amoin lé anou, sak lé aou lé galman anou avèk plizyèr kondisyon kant mèm. Mi sava pa di kèl kondisyon mé sak la fine maryé dovan lo mèr i doi konète pars i ésplik sa la méri, si li la bien akouté. Alé ! Lé myé sé ékouté plito ké pa ékouté. An touléka i fo port atansyon kan ou i sign in kontra é pa arienk in kontra d’maryaz-tout kalité kontra i fo port atansyon... Alé ! Ni artrouv pli d’van. Sipétadyé !