Défoi wi lir dsi linternet, dann in partikil la tèr néna milyon é milyon bann pti zorganism vivan é konm sé zot i fé viv la tèr zot i yèmré bien k’i détrui pa zot konmsa san rofléshir si tèlman k’boudikont i rèss in tèr stéril na pwin arien pou done aou pars ou la fine détruir ali é final de kont i rèss arienk in matyèr stéril, kékshoz mor olèrk in substra bien vivan pou done son fors épi son rishèss lo manjé l’imanité apré kour déyèr tou lé zour shak jour.

Mi anparl langré, mé mi pé galman an parl dézèrban épi dézinsèktizan mé i gingn pa arien d’bien si wi ansèrv bann poizon konm lagrikiltir modèrn i obliz demoune fé koméla. Songn son kann kou d’baton lé bon ni pou zot, ni pou l’moune, ni pou la tèr, ni pou lo kann, ni pou done demoune son rishèss ou la bien bézwin.

A bon antandèr salu !

Justin