Mézami, dan la vi, néna demoune sinp, demoune modèst : zot i kontante azot avèk sak zot i gingn fé — épi défoi, néna d’moune néna gran lanbissyon — lanbissyon boush lo trou volkan, sansa boush lo trou la plui. Antouléka zot i yèmré fèr in n’afèr inpossib é alé pa ramenn azot a la réalité, pars zot i vé touzour pliss, touzour myé.

Mé si ni ékoute bande zansien i fo ni koné noute kapassité épi kontante anou avèk sa, sansa avèk in pti pluss sinploman — lo zyé pli gran k’lo vante, sa la pa bon.

Dann touléka, i fo i fé lo pliss possib, sansa lo myé possib, konmsa wi évite fèr tro avèk moiyin ou la pwin. Mé kissa va dir anou sa ? Koman nou va konète nou lé dann nout kapassité ? Léspèryanss mézami, léspèryanss sé noute Mètr pou pansé. Sé nout méyèr amontrèr.

Alé ! mi kite azot rofléshi la dsu é ni artrouv pli d’van. Sipétadyé.

Justin