Mézami dan la vi wi trouv toute kalité la manzaye : défoi wi zète lo déor pou manz lo dédan konm par égzanp koko. Défoi wi zète lo dédan pou manz lo déor konm la tripe volaye. Défoi wi manz lo déor épi lo dodan, défoi wi manz ni inn ni l’ote é mi panss bien si zot i kalkil mwin lé siréssèrtin sa sar pa in mistèr pou zot trouvé.

Mé sak mwin la marke an-o la, sé lo zézyé. Zot i koné kossa néna dodan : néna lo sab, manzé broiyé, é toute sorte shoz, pou rékipèr lo zézyé misklé. Kossa i fé avèk sa ? I pé mète dann kari, dann sivé, i pé galman mète ali dan la fars - sak lé sir li lé bien gouté é d’moune i yèm morsso-la.

Alé ! Mi kite azot kalkil an zot mèm toute bann fasson manz zafèr konmsa é ni artrouv pli d’van, sipétadyé.

Justin