« Lindi, lo kor i sonn pa ! » - In kozman pou la rout

19 octob 2015, sanm Justin

Mi koné pa si zot lé konm moin, mé lo lindi-la, sa in zour mi èm pa. Sa i vé pa dir mi èm lo dimansh pars zour-la la touzour donn amoin l’idé ké moin sé in fingnan. Pou kosa ? Mi koné pa, mé moin la touzour an avoir in movèz konsyans dési zour-la. Ala ké mi ariv lo lindi, lo kor krazé, l’éspri an papyé mashé, é anplis movèz imèr siouplé, é l’idé ké tout sak m’a fé so zour-la, va foiré. Lo kor i sonn pa ! Lo kor i donn pa !

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant ni pé z’ète, tazantan, dakor rantre nou.


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus