Ousa nou té fine arivé : Gouvèrnman la désid fé pèy bann vié pèrsone la rodovans déssi l’odio-vizuèl. 116 ero pou in famiy la-ba dan la Frans:800 000 pèrsone pou péyé s, i fé..in bon moné Mé kossa l’arivé ? Ala bann vié i lès pi pik z’ot kolé konm koshon san fé dézord. La pa kroiyab sa !
Alor bann dépité la droite, i kalkil, kalkil, kalkil mèm : koman roul bann vié dan la farine, san mète lo pti shèf an kolèr. Alor, zot i mazine in tik-tak, diminié lo linpo pou bann vié : mète sa 58 ero, plito k’116. A ! Fine bien travay, shakène i bour dann son sirkonskripsion pou oir lo vir-vir bann vié pèrsone. Oté ! Ala pa k’bann vié moun lé ankor pli bandé an trann-sis.
Zot i artourn Paris, kami oui lo frèr. A ! lé zoli bann zéli lo pèp ! Zot i sar souplégné avèk lo shanoine, d’honèr, Apré i désid : « La pa moiyin ! armète a pli tar ! ». Lané proshène i pèy ar pa so linpo-la, mé lané apré va suif la fès in pé... Mi trouv kan la dégrèv bann rish pou 15 miliar, la pa fé lantrak konm sa. La fou in sèl kou ! Moralité : la fini, la pankor fini ? Dèrnié lépizode sansa na ankor in n’ot apré ? Alon suiv lo zafèr do pré !

Justin