Le tan i pas’, é mi antan pi rien si zafèr le kas’ sipermarshé Saint-André. Mi èspèr lankèt i kontinié. Mé si mi fé romark-la, sék nana in nafèr lé antrinn travay mon koko. Lé vré laba Saint-André, la poin tro gransoz i déroul dann lé norm !

Parlfèt, sat i inkièt amoin, sé le niméro Jean-Paul virapoullé la fé dann la télé pandan lo priz dotaz. Li la komans’ par di na in route nasional i travers’ Saint-André, rotromandi sat la komète forfé-la i pé bien sorte ayièr. Ladsi, an linspèktèr Colombo, li la propoz son kolaborasion la polis !!

Mé, rapèl azot zafèr kofrefor la méri la dispari avec toute la pèye bann CES dedan. La ankor Virapoullé lavé fanfaroné. Li lavé son lidé si le bann volèr é, an détan-troimouvman, banna noré retrouv azot o trou. Ziska zordi pa le moinn tras’ kofrefor. Parlon pi larzan !!!

Justin