Mézami mi panss l’ariv azot konm l’ariv amwin souvan dé foi, kissoi dann tribinal, kissoi dann zoinal, kissoi dann bande konvèrsassion demoune apré ésplike in n’afèr la fine arivé é pou éspliké zot i fors dsi lintélizanss.

An mwin mèm mi di narté pli intéréssan si lété kapab ésplike in n’afèr avan k’i ariv pou anpèsh arivé, mé sète-la la pa touzour possib é mèm rarman. Sirtou si sé in mové zafèr. In pulssyon sé in pulssyon konm noute toute i koné ésa i féfère ao dé shoze lé disproporssyoné.

Astèr mi kite azot rofléshi la dsi pou évite azot done zot l’admirassion in moune si li koné bien kozé é si sé solman pou sa.

Alé ! mi kite azot rofléshi la dsi é ni rotrouv pli d’van. Sipétadyé !

Justin

Nb In réfléksyon téi sirkil dann la famiye dann tan Gasparin-Bousnot. Lo politissien té apré fé in gayar diskour é in madam Sinte-klotilde téi fé arienk répété : « Sof kouék ti di, mé k’ti koze bien. »