Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

"Lintélizanss lé bordé èk la kouyoniss"

In kozman pou la rout

samdi 19 désanm 2020, sanm Justin

Médam, méssyé la sosyété, koz èk mwin sé koz èk in kouyon mé sé o pyé d’lo mir k’i oi lo masson. zordi mi anparl azot in kozman lé dann mon tèt dopi lontan é mi pé dir azot sak la di amwin sa la pa inn limyèr, mi pé mèm di li lé karéman boushé a l’emri. Pars l’imanité lé konmsa boudikont:in moun i pé z’ète intélizan dan tèl é tèl matyèr, mé li pé z’ète kouyon dann in n’ot mèm si li sé in savan. Ala in promyé sans mé lo dézyèm lé pa tro difisil pou trouvé é l’aktyalité i anmank pa d’ka konmsa. Gard aou kan i di sé bann savan la invant lo kovid 19:si lé vré ébin ni oi bann gran savan-la la tonb dan la kouyoniss-in sèl ka i sifi pou fatig l’imanité é pliské fatigué par plass. Rabelais téi di pa :"Syans san konsyans l’assé pou ruine l’am ." é sa lé bien vré.La konsyanss sé sak i nyabou drèss in baraz pou protèz l’imanité sanm pou mwin l’imanité la bézoin plisk’in baraz.Astèr alon prann lo problèm par in n’ot bout : alon di in moun mèm si li lé kouyon dann in domène li pé z’ète intélizan dann in n’ot. Mi souvien sak mon diréktèr Christian barat téi di:li téi di, shakinn issi ba néna son sansa sé talan. Mèrsi Kristyan avèk ou moin l’aprannn dé shoz é dé bone shoz.Alé ! ni rotrouv pli d’van. Siépétadyé



Inn modékri, inn ti lavi, inn komantèr ?

signaler contenu


Facebook Twitter Linkedin Google plus