Mézami si dann zot l’anvironeman néna in vyé moune i étoneré amwin si zot la pa antann in kozman konmsa. Linz lé sal, li la pi d’koulèr ! Linz la détinn, li la pi d’koulèr ! Antouléka sa i vé dir la pèrsone lé pa prézantab an parmi l’moune.

Pou mwin in linz la fine lavé pliss k’i an fo é li la pran la koulèr avèk lé z’ote linz épi li la lèss la syène dékaniyé — passé, sé konmsa k’i di sa — dann mashine sansa dann kivète li té mi a tranpé, mi di li la pi d’koulèr. Mé an vérité li néna in kalité d’koulèr ni pé batiz ali konm « indéfinissab » — in koulèr ni pé pa nomé. Ni pédir galma linéna in koulèr d’shov-souri.

Alé ! mi kite azot rofléshi la dsi é obliye pa kant mèm rogarde si zot linz néna la koulèr, osinonsa si li na pi. An atandan, ni rotrouv pli d’van, sipétadyé.

Justin