Mésyé, Médam, la Sosyété, koz èk moin sé koz èk in kouyon, mé sé o pyé d’lo mir k’i oi lo mason. Bien antandi ni parl ni linz sal, ni lavaz dannn kozman marké an-o la. Ni parl plito bann problem famiy. Ala in kozman mi yèm pars mi aprésyé pa i partaz tro bann sogré d’famiy sirtou mové sogré. Mi yèm pa kan in moun i di défo bann moun prosh kisoi zanfan, kisoi papa, kisoi momon, kisoi granpèr. Pou kosa ? Pars kan d’moun i réini la pa pou parl dé shoz é d’ot, la pa pou diskite dsi la konésans, la plipar d’tan sé pou rakont lé fé é lé zèss inn ou l’ot é la pa pou in bon rézilta la plipar d’tan. Dayèr isi i fo méfyé pars la plipar d ’tan kan ou i koz néna touzour an parmi l’moun i koz ansanm zorèye demoun i koné la pèrsone – i di pa isi toulmoun i koné toulmoun é sé zistoman sa k’i fo méfyé. Antansyon anou « Anval in mo sé gard in zami ! Mé Larg in mo sé pèrd in zami ! ». Alé, mi kite azot rofléshi la dsi é ni artrouv pli d’van. Sipétadyé.