Médame, Méssyé, la sosyété koze èk mwin sé koze èk in kouyon, mé sé o pyé d’lo mir k’i oi lo masson. Mézami, sanm pou mwin, kozman-la néna in pé dann toute péi. Sak la zamé antande in kozman konmsa, assiréman sa i vé dir li antan pa zorèye.

Sans prope lé pa tro intéréssan. Konm i di sa i kass pa lo kate pate in kanar mé lo sanss figuiré, mèm si lé fassil pou konprande mi panss sa lé in bon règ do vi. Pou o moinss dë rézon : inn i évite toute demoune konète lo bande zanbrouye néna dann la famiye ; dézyèm rézon sa i évite agrav ankor lo bande problème, parss inn foi demoune i koné – l’afèr étan porté, konm i di, dsi la plass piblik – lé diffisil bate an aryèr.

Alé ! Mi kite azot rofléshi la dsi é ni rotrouv pli d’van. Sipétadyé.

Rad sal lave nan fanmi – provèrb haïtien.

Le linge sale se lave en famille.