Médame zé méssyé, la sossyété koze èk mwin sé koze èk in kouyon mé sé o pyé d’lo mir k’i oi lo masson.

Mézami, mi panss zot i koné kozman-la pars provèrb konmsa néna in pé dann toute péi. Mwin pèrsonèl mi oi sa konm in konsèye sazèss. Fransh vérité dann toute famiye néna sogré é sa la pa bon pou alé di sa dann zorèye demoune tranjé. I vo myé gard oute sogré plito k’alé dir l’moune.

Poitan défoi néna in pé i débal zot afèr dsi la plass piblik, sansa dann zorèye lé z’inn épi lé zot é toulmounne i fini par konète. Kan sé in bon n’afèr i fé arien, mé si sé in mové zafèr, in zafèr k’i abèss aou, sansa k’i fé mal oir aou la la pi bon ditou. Antouléka ala koman mi oi lé shoze.

Alé ! Mi kite azot rofléshi la dsi é ni rotrouv pli d’van. Sipétadyé.

Justin