Dann bann zil, lavion lé souvan le sèl moyin d’transpor la popilasion nana. Sé poukoué nou Rénioné, nou lé partikilièrman toushé par le drame nout bann frèr Martiniké i viv.

Pardela lémosion, i fo ni voi zordi koman kontinié èksprime solidarité-la. Lèr larivé osi pou réfléshi vréman si problèm la sékirité dann transpor aérien. La pi posib kontinié konmsa !

La mi antann i parl “list blé” pou zavion apépré potab ou, sinonsa, “list noir” pou zavion pa ditou rokomandab. Lé bien. Mé, amonlavi, lé pa sifizan. Pou sat nana le shoi rant lé dé list, pétèt. Mé sat la poin le shoi, koman i fé ?!!!

Justin