Listoir avèk zistoir, inn épi l’ot la pa parèy. Nou pé dir listoir sa in n’afèr na moiyin étïdié, trouv bann prèv, dir kossa lé vré, kossa la pa vré, ésplik lo bann rézon ; dé foi i pèrmèt rienk poz késtion. In zistoir i pé èt vré konm mantèr, dé foi mem si li lé mantèr, li pé mètt an valèr in réalité.

Zistoir-la, mon vië granpèr la rakont amoin. Sa té dann tan lavé zangajé la Rénion, dizon dëpï in pé avan 1848, ziska 1937 par-la.
Bann zangajé lété dmoun maléré. Souvan dé foi, zot té i préfèr mor plito viv konm zot té i viv. Bann malbar téi mèt la kord konmsa zot nora té ronèt dann l’Inn épi aoir in nouvèl vi*.

I prétan, in zour in salté d’zangajis la désid pèrs lo zié bann pandü. Lé z’ot la arèt mèt la kord akoz zot lavé pèr ronèt avègl.
Moin la pankor rod dann liv pou oir si sé in zistoir sinonsa listoir. Pou moin sé in zistoir. Si zot i koné lo fin mo, anvoy amoin in modékri

Justin

* La métempsycose