Si sa téi rant dnn son lobzéktif néna lontan li nora invante in ouvèml politik sossyal mé la pa son soussi : ni lo sousi d’la droite, ni sète la gosh o gouvèrnman, ni lékstrèm droite si èl i ari in zour o pouvoir.. Mé o fon kan mi parl d’in nouvèl politik sossyal pou élimine la povrété sé kékshoz mi kroi pa. Mi kroi pa pou nou dann nout sityassion pars néna kékshoz ni doi fèr avan sé dévlop lo péi é n ou lé lwin d’lo dévlopman, par la fote lo réjime néo-kolonyal noi arète pa sibir.

Ni pé poz anou la késtyon : pou kossa ni ariv pa dévlop nout péi. La réponss ? Bann gouvèrnman gosh konm droite la zamé vouli in politik dévlopman é mèm la fé tout pou anpèsh in politik dévlopman dann nout péi mé pa arienk sa pars néna ossi bann fors i rofiz lantante avèk nout parti pou fors gouvèrnman pou aplik in politik dévlopman imaziné par lé rényoné dann lintéré bann rényoné. Sèl manyèr mmi yèmré pou konbate la mizèr par la zistiss é pa par in sanblann sharité.

A bon antandèr salu !

Justin