Oté

« Lo bien d’moun i angrèss aou in zour, pli tar li va mégri aou »

In kozman pou la rout

Justin / 22 mé 2019

JPEG - 43.6 ko

Done in moun in poisson, li va manz in zour. Aprann ali péshé, li va manz tou lé zour. Provèrb shinoi d’apré sak i paré ! Mé par l’fète in provèrb lé valab in pé partou. Pou kosa mi di sa ? Pars si ou i pé avans out ka par out travaye, ou i pé osi mète aou dsou la koup in moun néna pou gonf out pla san forsé. San forsé ? Ala sak i pèrd lo moun souvan dé foi é sa lé vré pou in pti sosyété, mé sa lé vré osi pou désèrtin péi. Si zot i rapèl Rome dann tan lontan : demoun téi kontant do pin, avèk bann zé d’sirk ziska k’in zour lo péi la pèrd l’èr kan bann barbar la anvayi. Suiv mon rogar ! Kisa i anparl kroisans san dévlopman an parlann La Rényon. Kisa la krétik lil Maurice ? Morisien manzèr zako !!! Kisa lé pli avansé ké l’ot zordi. Kisa néna son l’avnir dann son min é kisa la poin ? Mi di pa plis é ni artrouv pli d’van.