Oté

« Lo dan i ri mé lo kèr i koné sak li la soufèr » 

In kozman pou la rout

Justin / 13 octob 2020

JPEG - 43.6 ko

Médam zé Mésyé, la sosyété koz ék moin sé koz èk inkouyon mé sé o pyé d’lo mir k’i oi lo mason. I pé dir ankor kan ou lé dan la dans sé pou dansé. Mézami, mi pans konm moin zot i koné kosa i lé doulèr dann kèr zot i koné sa i pass pa an in zour. Poitan i ariv défoi, mèm si ou i koné sa i doi passé, i ariv ké ou i mète la kord. Par l’fète, zot i koné isi La Rényon néna in suisid par zour. Tanka bann tantativ, sa néna ankor pliss. Mé kan ou la fine amorti la doulèr ou i gingn ri. In doulèr amort i lèss out dan ri, mé out kèr la pankor obliy son soufrans... Li néna ankor souvnans. In koté ou i ri, in koté ou i plèr : sé sa la vi. Alé ! Mi kite azot rofléshi la dsi é ni artrouv pli d’van. Sipétadyé.