Oté

« Lo dan la mok lo kor, lo zyé la plèr èk la mizèr » 

In kozman pou la rout

Justin / 4 zwin 2018

JPEG - 43.6 ko

Sa in provèrb bann zantiyé i yèm di. Lé pa si fasil késa pou konprann mé kan ou i konpran kozman-la, ou i di sa lé vré pou vréman. Konbien moun i pass z’ot tan pou krétik inn a l’ot. Sak lé an bone santé pou l’instan, i ri sak lé malad. Si in moun lé valid lé kapab di in kass in ki. Sak i pans li lé zoli, i krétik sak li oi konm in moun vilin. Sak i pans li néna l’adrèss i annui sak solon li lé adroit konm zozèf a gosh. Mé in zour, i ariv z’ot tour é zour la zot i pass z’ot tan anplègn dsi z’ot sor. Mi rapèl listoir in moun élégan koz pa é li téi pass son tan pou krétik sak lé mal tourné d’apré li mé, konm i di, la zénèss néna son tan épi in zour li la vni konm tout demoun li krétik. Zour-la, solon li, lé la vni lo moun lo pli maléré dsi la tèr. Alé ! Mi kite azot rofléshi la dsi é ni artrouv pli d’van sipétadyé.