La pa ariv azot, dann tan la zénèss, antann demoune apré rir pou arien ditou ? Mon souvnir d’zénèss sé kan bann kouzin-kouzine téi vien pass vakanss la kaz épi zot téi rir vèye-pa koman.

Arienk zot rir, téi mète in lanbyanss térib dan la kaz. Mon bann paran té kontan d’antann azot mé san zamé di la rézon zot kontantman-Antouléka pétète rant zot mé pa avèk nou zanfan.

Tout fasson i di pa lo rir sé lo prop dé l’om é sa lé bien vré, sof si zanimo i ri é ni koné pa.

Alé ! Mi arète tèr-la, mi invite azot oir si lontan téi rir pa pliss koméla. Lontan téi rir bon kèr zot i panss pa ? parsi paré lontan é koméla le moune la shanzé vèye pa…ni retrouv pli dvan sipétadyé !

Justin