Médame, zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami mi panss zot i koné noute bande kozman dsu lo dan, la boush épi la lang mé toute i vé pa dir égzaktoman lo mèm zafèr ;si ni di la boush lé bète sa i vé di noute kozman lé san kontrol, parèye dsi la lang lé bète. lo dan lé bète sé kan i rir a tor é an travèr, san kontrol.

Dann touléka sa i vé dir wi azi san kontro é zot i koné koz san frin épi san kontrol, rir san frin épi san kontrol, néna dé foi sa lé danzérab. I di pa : larg in mo é wi pé pèred out zami, garde in mo sé garde in zami mé zot lé fine fé léspèryans la dsu mé sa i vé pa dir sa i souk ar pa zot kant mèm.

Toute fasson i vo myé rir ké pléré, kozé k’ète parl pa ;Toutefasson mi kite azot rofléshi la dsi é ni artrouv pli d’van. Sipétadyé.