12 désanm 2024, sanm
Mézami, dopi dé zané é dé zané néna issi La Rényon — an parmi l’moune — in for mouvman i démanti pa pou done kou d’min bann shagossien pou zot gingn lo droi retourn dsi zot tèr natal lo Larshipèl Chagos. Sirésèrtin zordi, bann rényoné k’i gnor la zéografi épi listoir i gnor pa listoir bann zil Chagos é mèm zot zéografi.
Astèr ni koné, pa zordi, pa domin La répiblik Moriss i sa fèr in n’afèr an or avèk lo ratashman bann zil Chagos avèk son téritoir ; sak i apèl son domène maritime protézé sar in gran domène avèk pliss dë million kilomète karé… Ni koné sé lo droi internassyonal i akorde ali in droi konmsa par lo laplikassion lo droi la dékolonizassion. La Prèv ; la cour internassional La Haye la fine pran son déssizion an droi. La prèv ankor lo rézilta bann négossyassion rante gouvernman morisien é gouvèrnman britanik.
Zordi nou l’apré assist in tourné-viré rante lo nouvo gouvernman La Répiblik Moriss, lo gouvernman britanik, épi lo pouvoir trumpist i tarde pa mète ali an plass. Néna ankor la pozission bann gran péi loséan indien é tardra viendra lé obligatoir tienbo konte de sa. Sirtou i fo pa fé konmsi lo monde koméla é sète demin sar konm sète yèr ; in monde nouvo lé apré énète é sa sar kékshoz in possib gnoré.
Astèr i fo ni poz noute problèm anou Rényon é rényoné. Ni fé parti loséan indien, mi panss bien. Nou lé dann bannzil Maskarègne. Par noute égzistanss La Franss i taye ali in gran morsso loséan indien épi loséan glassyal antartik avèk toussa bann droi san nou li noré pa. Arzoute èk sa la koopérassion dann loséan indien sé in nafèr bientio i sava marshé é nou dann s’tan-la, ni deboute guète ? Mi panss pa, nou la pa tyé kouyon pou pran son plass.
Sé pou sa mi invite toute sak La Rényon i konte konm demoune ouvèr dsi lo monde pou dir azot, l’èr lé véni pou nou afirma in pé noute droi dann loséan indien épi dann son lékonomi blë avèk si tan tèlman bann promèss pou l’avnir… Si i parl ko dévlopman i fo bien ni panss La Répiblik Maurice, Madagaskar épi son bann téritoir La Franss lapoz la min dsi. I fo ni panss l’Inn, La Chine… Mi vé pa dir i fo ni zape l’Érop : ni zape pa l’Érop konm ni zape pa L’Afrik.
L’èr lé véni pounou ossi bien karte noute zèl dann loséan indien épi grade ossi in ptyé dann l’Érope. Si ni oi in pé lé shoz konmsa ni rann anou konte noute lavnir lé pa boushé konm déssèrtin i kroi mé néna pou nou in grann promèss dévlopman dann lo opo dévlopman avèk in bonpé péi. I fo ni dépass lo départman ! Dépass La réjyon ! dépass ankor noute par lantartik ! Dépass ankor noute lotonomi épi nouye lindépandanss pou fé rokonète noute droi.
A bon antandèr salu !
Justin
Nb si nou téi plézante in pé ? Si nou téi di lo bann téritoir franssé lantartik sé dopi sin Pyèr i komann sa. Donk nou néna in droi ladsi ! Akoz pa komanss la bataye pou noute droi.
L’exemple de l’industrie sucrière européenne montre que la norme est de confier la responsabilité de la stratégie industrielle aux agriculteurs (…)
Mi sorte lir so matin, dann zoinal, in mové nouvèl : in projé d’loi pou indamniz bann zanfan La Creuse i pass ar pa dovan lo parlman franssé so (…)
Face à l’urgence climatique, le Conseil économique, social et environnemental (CESE) a lancé un appel : il est temps d’agir pour protéger les (…)
Mi souvien in kamarad té i di toultan : mwin lé pa tro for ladsu, mwin lé pa tro for la dsu.L’èr pou manzé, li lé pa tro for dsu manzé.L’èr gouté (…)
La secrétaire générale de la CFDT, Marylise Léon, souhaite que le président Emmanuel Macron reconnaisse que la réforme des retraites n’était pas (…)
Santé publique France confirmé la baisse du nombre de cas de chikungunya à La Réunion, tant en médecine de ville que dans les services hospitaliers.
Ce 9 mai, Moscou a accueilli les commémorations du 80ᵉ anniversaire de la victoire sur l’extrême droite en Europe, en l’absence des dirigeants (…)
Mézami mi sorte lir dann lésprèss Maurice lo poinn-vizé in moune inportan i apèl Edouard Maunick dsi lo kréol morisien épi son dévlopman laba shé (…)
Ce dimanche 11 mai, le nouveau Pape a prononcé sa première prière devant des milliers de fidèles à la basilique Saint-Pierre de Rome. Durant son (…)
Les États généraux de la canne à sucre doivent poser la question de la gouvernance de la filière, responsable de la crise actuelle sans précédent. (…)
Les eurodéputés ont adopté de nouvelles règles en matière d’émissions de CO2, offrant un délai supplémentaire aux constructeurs en retard sur (…)
Les enfants qui naissent aujourd’hui ont, dans la majorité des cas, la chance de connaître leurs grands-parents, voire leurs (…)
