Oté

« Lo dyab i roul séga dann in posh vide »

In kozman pou la rout

Justin / 18 zanvié 2021

JPEG - 43.6 ko

Médam zé mésyé, la sosyété, koz èk mwin sé koz èk in kouyon mé sé o pyé d’lo mir k’I oi lo masson. Mézami so matin mwin la trouv kozman-la dann in liv provèr : téi di pa konmsa pou vréman, téi di : ”Le diable danse dans une poche vide “. Mi panss mi déranz pa mon bann zansien kan mi di sa konmsa. Mé antansyon ! Mi yèmré pa ké lo moun i panss pars in pé lé pov zot néna pli d’viss ké l’izine Bofon. Mé lé sir wi pé gingn la tantasyon fèr bann shoz in pé a koté d’la loi, si ou lé dann difikilté. Astèr ni pé di, si ou lé frustré pou in bonpé zafèr, ou nora tandans pou ratrap aou : in mank mé zami sa i pé konbate sa é par tout kalité mwayin ésa lé dann la natir umène pars sansa l’om modèrn-konm i di—nora pa kapar la tèr antyèr pou li é mèm léspass. Alé ! Mi kite azot rofléshi la dsi é ni artruv pli d’van ? Sipétadyé.