Médam, Mésyé, La sosyété, koz èk moin sé koz èk in kouyon mé sé o pyé d’lo mir k’i oi lo mason. Tazantan i di galman : « I trouv bishik dann vant karang mé i trouv pa karang dann vant bishik ». Mé zami, nout sosyété umène sé in drol de sosyété : lé vré dann la natir lo gro I manz lo pti mé Ii sèye pa fé kroir lo kontrèr. Alé oir dann nout sosyété umène I fé kroir lo kontrèr. Romark la pa difisil pars i diré nou lé édiké pou sa : lo bann media i fé lo travaye k’I fo, lékol kolonyal sansa lékol bourzoiz i pran lo rolé. Boudikont la plipar d’moun lé si tèlman monté a l’anvèr ké lé pli natirèl dir in mansonz plito k’in vérité. An touléka sé sak souvan dé foi mi rosan… Alé ! Mi kite azot rofléshi la dsi é ni artrouv pli d’van. Sipétadyé !