Lakey lo sit > Chroniques > Oté
« Lo gro poisson i manz lo pti »
In kozman pou la rout
mèrkrodi 29 zwin 2022, sanm
Médame zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami mi koné pa si zot la fine rouvèr lo vante in gro poisson, mé si zot la fini fé, sirman zot la trouv dann – la bande pti poisson – si lo gro poisson sé in manzèr poisson, pars si li manz zalg ébin zot va trouv zalg dann son vante.
Astèr konm sa sé in provèrb alon sèye oir kossa ki vé dir pou nout vi an sossyété. Lo gro i manz lo pti ? Lo pti sé sak lésploité dann son travaye, mèm dann la vi toulézour. Lo rish néna lo nésséssèr é mèm lo superfu. Lo pov na mèm poin lo nésséssèr ; parl pa d’superflu ! Sa té vré avan, mé lé ankor vré zordi. Zot i koné la moityé bande zanfan La Rényon i v iv dan la mizèr é sa sé l’INSEE ki di sa !
Alé ! mi kite azot rofléshi la dsi é ni artrouv pli d’van. Sipétadyé.
Justin
