Mézami, zot i koné lo kèr d’moune sé in l’organe i yabou ankèss in kantité z’afèr é kan mi di sa mi parl bann zafèr lé pa agréab ditou, konm pa égzanp in rogré, in shagrin, in vékssassion, in krétik, anfin toute sak i fé k’in moune i kalkil li té pa dann lo bon landroi pou in bon lokazyon. Si zot la fine pratik in pé la vi, mi panss zot i konpran amwin.

Na kélk’in la di amwin in zour, noute toute na poin lo mèm kapassité pou amorti in doulèr — li té apré anparl in doulèrmoral. Néna i amorti bonpé, é néna i amorti prèss pa, défoi mèm i siporte pa arien. Alor si mi rofléshi dsi noute kozman mi pé dir sé solon lo moune : lo kèr sé in magazin li, mé suivan lé ka, i rante in bonpé zafèr d’dan, osinonsa i rante prèsspa arien.

Alé ! Mi kite azot rofléshi la dsi é ni rotrouv pli d’van, sipétadyé !

Justin