Kosa i lé magazin ? Bien sir nana magazin z’arab,nout tout i koné, mé sa la pa tout . Nana galman magazin pou ramas tout sort de shoz dodan… sépa si dann la lang fransé i apèl pa sa « resèr ». Touléka, i mète in bonpé z’afèr dodan , pa touzour bien ranzé, mém dé foi sirsharzé. Dann provèrb mi sort mark an-o la,sa i vé dir demoun i pé pa siport tout z’afèr :nana sak ni pé, é nana sak ni pé pa, pars i donn anou tro la doulèr dann kèr.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké,rant-rant, ni pé z’ète, tazantan, d’akor, rantre nou.