Médam, zé méssyé, la sosyété, koz èk mwin sé koz èk in kouyon mé sé o pyé d’lo mir k’i oi lo masson. Mézami, zot i kon dan la vi néna bannd zévènman éré, épi néna band zévènman maléré. Tro éré la pa bon, tro maléré la pa bon non pli. Sa sé in kozman i kol bien avèk l’amour pars kissa i pé dir amwin-sof in parlpa é ankor - li la pa konète dann son vi inn sansa plizyèr shagrin d’amour…é konm i di, sa i porte dsi lo kèr, é lo kèr i pran lo shok, li ankèss, li ankèss, ziskatan son disk dir lé plin.l’èrla n tasyon pangar, toute lé possib, mèm lo kontrèr. Kan in n’afèr konmsa i ariv, si ou néna in momon, wi pé plère in pé dsi son zépol ; el i koné aou vik wi sorte dann son vante. An tan k’fanm épi an tan k momon, In momon i pé konsole son zanfan. El ossi konm I di èl la pass par-la, é èl I koné bien lo kèr la pa magazine : son kapasité pou amorti lé gran, mé lé pa infini é sé l’èr ké movez shoz I pé arrivé. Alé ! Mi kite azot rofléshi la dsi é ni artrouv pli d’van. Sipétadyé.