Oté

« Lo kèr na son rézon, la rézon i koné pa ! »

In kozman pou la rout

Justin / 30 séptanm 2019

JPEG - 43.6 ko

Médam, mésyé, la sosyété koz sanm moin sé koz avèk in kouyon-sé o pyé d’lo mur k’i oi lo mason . Néna in tan dan la vi la plipar rant nou i pansh toultan koté lo kèr, é konmsa, solon nou, nou lé fidèl avèk nou mèm. A ! lo kèr ? Banna i donn aou tout kalité-in pé i diré tout vèrtu. Lo kèr sé la fidélité pou bann prinsip . Kèr avèk kouraj i diré sa dë zafèr i marsh ansanm. Suiv out kèr épi demoun lé paré pou pardone in ta zafèr . Lo kèr lé sho é la rézon lé fré-froi si zot i vé !. i di pa kan ou i tyé d’moun par amour sa i done aou lo droi pou an avoir bann sirkonsyans atényant. Mé tousa la sé pou fé konprann anou lé shoz lé pa si fasil ké sa dan la vi épi dann l’aksyon. Kan ou néna in désizyon pou prann, zot i pans pa bann zom-konm fanm - laksyon néna souvan dé foi zot tète pou kasé pou fé bien antansyon dsi in mouvman zot l’apré améné ? San sa pou in mouvman zot i v améné. Sé lo kèr k’i gide azot ? Sansa sé la rézon ? Sansa lo dé an mèm tan kan inn é l’ot i désid parèye. Alé ! Mi kite azot rofléshi la dsi é ni artrouv pli d’van. Sipétadyé !