Mézami, mi koné pa kissa la di kozman-la, mé mi pans sa in kozman valab pou d’bon. Listoir lé plin bande konba konmsa kissoi wi pèrde pars ou la dégonf tro bonère, kissoi ou l’amenn ali toul’tan k’i falé é lo zour la viktoir ou lété ankor la pou ranporté.

Dann lo mond tèl ké ni koné ali néna in bon pé pèp l’apré lité dopi lontan-lontan é demoune i fini par panss zot i ranporte ar pa la viktoir ; mé zot i kontinyé la lite san pèrde kouraz é boudikont zot i gingn la viktoir. I fo po u sa la koze lé juste.

Alor, mézami, mon bande dalon, mi invite azot rofléshi la dsi é ni artrouv pli d’van. Sipétadyé.

Justin