Oté

« Lo kor in moun lé pti, an touléka par raport son léspri »

In kozman pou la rout

Justin / 17 novanm 2018

JPEG - 43.6 ko

Kozman-la, sa i sort l’Afrik é moin lé sir zot va poz azot késtyon dsi in kékshoz konmsa. I di lo kor in moun lé pti : sé solon ! Pars néna d’moun lé bèlbèl. In sumo néna talèr rant san katrovin épi dé san kilo avèk in gabari dimansyon mi rakont pa zot. An touléka ni oi pa li si tan tèlman pti ké sa ! Tank’a léspri d’apré sak mi koné li pran pa la plas é mèm néna poin in l’androi ou i pé di li lé. Mé antansyon in léspri-in l’intélizans - sa néna in gran kapasité. I paré oplis li dévlop son kapasité, oplis li vien gran é plizanpli gran ziska in zour li disparète. A ! Moin lé sir zot i pans lo kontrèr d’sak mi ékri mé alé rofléshi in pé é zot va oir lo saz l’afrik la bien rézon-an touléka néna in mésaz li fé pass pou nou. Alé ! Ni artrouv pli d’van. Sipétadyé !